MPB bën apel për respektimin e rregullave të trafikut dhe mos-përdorimin e mjeteve piroteknike

Ministria e Punëve të Brendshme u bën apel të gjithë pjesëmarrësve në trafik që, në kushte të dukshmërisë së reduktuar, të jenë jashtëzakonisht të kujdesshëm gjatë drejtimit të automjeteve. Njëkohësisht, u bëjmë thirrje qytetarëve që në këtë periudhë të festave para Vitit të Ri dhe gëzimeve familjare të mos ulen pas timonit nëse paraprakisht kanë konsumuar alkool.

Në territorin e SPB Shkup, në periudhën nga 15 deri më 20.12.2025, janë evidentuar 53 aksidente trafiku. Kontrollet e trafikut vazhdojnë me intensitet të shtuar. Apelojmë gjithashtu që pjesëmarrësit në komunikacionin rrugor të jenë të kujdesshëm dhe në tërësi t’i respektojnë rregullat dhe dispozitat e trafikut, të posedojnë patjetër pajisje dimërore dhe të mos drejtojnë automjete nën ndikimin e alkoolit. U bëjmë thirrje qytetarëve të respektojnë dispozitat ligjore dhe të bashkëpunojnë me policinë. Të gjitha shkeljet e rendit dhe qetësisë publike t’i raportojnë në stacionin policor ose përmes numrave telefonikë 192 ose 112.

Aktivitetet e Ministrisë së Punëve të Brendshme në luftën kundër përdorimit të mjeteve piroteknike janë të vazhdueshme, me dinamikë të shtuar para dhe gjatë festave, duke pasur parasysh karakterin sezonal të piroteknikës, me qëllim rritjen e ndërgjegjësimit te të rinjtë, por edhe te prindërit e tyre, duke theksuar se fishekzjarret nuk janë lodra, por mjete të rrezikshme që mund të shkaktojnë pasoja të pariparueshme dhe të përhershme për shëndetin e të rinjve.