30 mijë banesa pa energji elektrike pas sulmit në rrjetin elektrik në Berlin, vijon riparimi i plotë i dëmit

Dhjetëra mijëra shtëpi, spitale dhe biznese në Berlin janë përballur me probleme me energjinë elektrike që nga e shtuna.

Në total, u prekën rreth 50,000 familje dhe 2,000 biznese. Riparimi i plotë i dëmeve në Berlinin jugperëndimor dhe zonat si Lichterfelde, Zehlendorf, Wannsee ose Steglitz nuk pritet të përfundojë deri të enjten.

Ndërprerja e gjerë e energjisë elektrike në kryeqytetin gjerman, ndërsa temperaturat janë nën zero është për shkak të sabotimit të infrastrukturës së energjisë elektrike.

Sipas autoriteteve gjermane, organizata ekstremiste Vulkangruppe qëndron pas sulmit me zjarrvënie në rrjetin elektrik. Zjarrvënia ndodhi të shtunën në një urë elektrike me kabllo të tensionit të lartë në Kanalin Teltow.

Në konferencën e parë qeveritare për vitin e ri në Berlin, zëdhënësi i lartë i qeverisë Sebastian Hille e dënoi sulmin.

“Ky është një krim i rëndë. Autorët do të mbahen përgjegjës”, tha ai.