Bruno Fernandes e dominon Evropën – lider absolut për rastet e krijuara

Bruno Fernandes po e konfirmon edhe një herë statusin e tij si një nga mesfushorët më kreativë në futbollin evropian.

Ylli i Manchester Unitedit i ka krijuar plot 56 raste për gol, më shumë se çdo lojtar tjetër në pesë ligat më të forta të Evropës gjatë këtij sezoni – një statistikë që flet qartë për ndikimin e tij në lojë.

Mesfushori portugez është truri i skuadrës së tij, duke qenë i përfshirë pothuajse në çdo aksion ofanziv.

Me pasime vertikale, krosime precize dhe vizion të jashtëzakonshëm, Fernandes vazhdon të jetë burimi kryesor i kreativitetit për “Djajtë e Kuq”.

Pavarësisht rezultateve jo gjithmonë të qëndrueshme të Manchester United, Bruno ka ruajtur nivel të lartë performance, duke marrë përgjegjësi si lider në fushë dhe duke udhëhequr lojën nga mesi i terrenit.

Statistika e 56 rasteve të krijuara e vendos atë përpara shumë yjeve të mëdhenj të futbollit evropian.

Kontributi i tij nuk matet vetëm me gola dhe asistime, por edhe me ndikimin që ka në ritmin dhe drejtimin e lojës.

Fernandes është lojtari që i lidh repartet, e rrit intensitetin dhe krijon hapësira për bashkëlojtarët.

Me këtë formë, Bruno Fernandes vazhdon të jetë një nga mesfushorët më vendimtarë në Evropë dhe një figurë kyçe për Manchester United në objektivat e sezonit.