Gashi: Nexhat Daci ka qenë një shembull i udhëheqjes, ndërtimit dhe zhvillimit institucional të Kosovës

Kryetari i Kuvendit, Afrim Gashi, ka reaguar pas lajmit për vdekjen e Akademikut Nexhat Daci. Gashi, ka thënë se ai ka qenë një shembull i udhëheqjes, ndërtimit dhe zhvillimit institucional të Kosovës.

“Me pikëllim të thellë mora lajmin për ndarjen nga jeta të Akademikut dhe ish-Kryeparlamentarit të Kosovës, Nexhat Daci. Ai ishte një personalitet i jashtëzakonshëm që, me dituri, përkushtim dhe vizion, la gjurmë të pashlyeshme jo vetëm si Kryetar i Kuvendit, por edhe si një shembull i udhëheqjes, ndërtimit dhe zhvillimit institucional të Kosovës.

Shpreh ngushëllimet më të sinqerta për familjen, miqtë, bashkëpunëtorët dhe të gjithë ata që e nderuan punën dhe dijen e tij. Qoftë i përjetshëm kujtimi për të!”, ka shkruar Gashi.