Grupi i automjeteve të transmetimit “E kuqja kineze” e CMG-së mbërrin në Itali
Të dielën, grupi i automjeteve të transmetimit me qartësi ultra të lartë 4K/8K “E kuqja kineze” të Grupit Mediatik të Kinës (CMG) mbërriti në Portin e Livornos të Italisë.
Pas përfundimit me sukses të misionit të transmetimit të Olimpiadës së Parisit, grupi i automjeteve të transmetimit me qartësi ultra të lartë të CMG-së, të zbukuruara me “të kuqen kineze”, është nisur në një mision tjetër për prodhimin e sinjaleve publike ndërkombëtare 8K për ceremonitë e hapjes dhe mbylljes dhe veprimtari të shumta të Lojërave Olimpike Dimërore Milano-Kortina 2026.
Grupi i automjeteve të transmetimit “E kuqja kineze” të CMG-së përbëhet nga dy autobusë transmetimi me qartësi ultra të lartë 4K/8K dhe dy automjete ndihmëse mbështetëse. Makinat e transmetimit 4K/8K me qartësi ultra të lartë, të projektuara dhe të montuara në mënyrë të pavarur nga CMG-ja, janë 17 metra të gjata dhe mund të mbajnë njëkohësisht 34 stacione pune dhe 5 zona pune, të afta të përpunojnë 80 burime sinjali 4K, duke përfaqësuar nivelin aktual më të përparuar të prodhimit ndërkombëtar të transmetimeve të drejtpërdrejta me qartësi ultra të lartë.
Pas zhdoganimit, grupi e automjeteve të transmetimit me qartësi ultra të lartë i CCTV-së “E kuqja kineze” do të niset nga Porti i Livornos dhe do të mbërrijë në Milano, ku është planifikuar të hyjë zyrtarisht në stadiumin “San Siro” më 13 janar për t’u përgatitur për transmetimin e Lojërave Olimpike Dimërore Milano-Kortina 2026.
Gjatë Lojërave Olimpike të Parisit 2024, automjeti i transmetimit me qartësi ultra të lartë i CCTV “E kuqja kineze” u vendos në “Stade de France” për 27 ditë e netë, duke kryer prodhimin e sinjaleve publike ndërkombëtare 8K për garat e atletikës dhe ceremoninë e mbylljes, duke shënuar herën e parë në historinë e Lojërave Olimpike të prodhimit dhe transmetimit 8K të Lojërave Olimpike Verore. Këtë herë, grupi e automjeteve “E kuqja kineze” do të ofrojë mbështetje të fortë për transmetimin e Lojërave Olimpike Dimërore me teknologjinë e saj video me qartësi ultra të lartë, lider në nivel ndërkombëtar.