Mbyllen votimet në Gostivar, Vrapçisht dhe Mavrovë e Rostushë

Janë mbyllur zyrtarisht qendrat e votimit në komunat Gostivar, Vrapçisht, Mavrovë dhe Rostushë, ku procesi zgjedhor u zhvillua gjatë ditës së sotme.

Sipas informatave fillestare nga komisionet zgjedhore lokale, votimi ka përfunduar në orarin e paraparë, ndërsa procesi është zhvilluar kryesisht i qetë dhe pa incidente serioze që do të cenonin mbarëvajtjen e tij, njofton TS.

Pas mbylljes së vendvotimeve, ka nisur numërimi i votave, ndërsa rezultatet paraprake pritet të publikohen pas përfundimit të procedurave përkatëse nga autoritetet zgjedhore./TS