Nikolla Gruevski: Me ndihmën e Zotit, drejt shpresës dhe paqes në 2026
Nikolla Gruevski
Viti i Ri zakonisht na sjell ndjenjën e një fillimi të ri – pritje të reja, qëllime të reja dhe dëshira të reja.
Shumë njerëz në vitin e ri 2026 shohin një shpresë reale se ai do të jetë viti më i mirë – se arsyeja do të mbizotërojë, dashuria do të fitojë dhe se përparimi i ekonomisë, shkencës dhe mirëqenies do të jetë i madh. Të tjerë, nga ana tjetër, presin një vit të vështirë dhe të dhimbshëm, sidomos në Evropë.
E megjithatë, edhe nëse bota vërtet po përjeton turbulenca politike dhe ekonomike, kjo nuk do të thotë se çdo individ në Maqedoni apo kudo tjetër nuk mund ta gjejë lumturinë e vet në jetën dhe përditshmërinë e tij – në shtëpinë e vet, në vendin e punës, në misionin e tij, me miqtë e tanishëm ose të ardhshëm, me dashurinë e tanishme ose të ardhshme.
Në këtë botë të pasigurt dhe emocionuese, çdo njeri ka mikrobotën e vet. Sfidat dhe frikërat e veta. Qëllimet, sukseset dhe dështimet e veta. Ëndrrat dhe fantazitë e veta. Dashurinë e vet, shqetësimet për shëndetin – të vetin dhe të më të afërmve. Këndvështrimin e vet për botën që na rrethon.
Ju uroj secilit prej jush që, çfarëdo qoftë viti 2026 në botë apo në Evropë, ta gjeni lumturinë tuaj në shtëpinë dhe familjen tuaj; nëse ende nuk e keni, ta krijoni ose ta hapni rrugën drejt saj.
Që shqetësimet për shëndetin tuaj dhe të më të afërmve të përfundojnë me buzëqeshje.
T’i arrini qëllimet dhe sukseset që i dëshironi në atë për të cilën jeni personalisht të përkushtuar.
T’i kapërceni sfidat dhe pengesat tuaja, të realizoni të paktën një pjesë të ëndrrave tuaja më të mëdha. Dhe të jeni të lumtur me dashurinë tuaj – ose, nëse ende nuk e keni gjetur, ta zbuloni.
Të gjithë ne kemi dëshira që shpesh na duken aq të paarritshme sa mendojmë se janë vetëm fantazi. Dhe së paku një nga ato fantazi, që tani ju duket aq e pamundur sa ju vjen turp ta ndani, por që diku thellë brenda jush është e fshehur dhe pret në heshtje – me ndihmën e Zotit, uroj të realizohet dhe të bëhet pjesë e realitetit tuaj “të pabesueshëm”.
Le ta gjejë Maqedonia rrugën e saj – përpara dhe lart!
Gëzuar Vitin e Ri 2026! 🎉