Rubio: SHBA ka një plan me 3 faza për Venezuelën pas kapjes së Maduros

Sekretari i Shtetit Marco Rubio, deklaroi këtë të mërkurë se Shtetet e Bashkuara kanë një plan me tre hapa për Venezuelën. Ai thekson se ky plan do të fillojë me stabilizimin e vendit pasi forcat amerikane kapën udhëheqësin Nicolas Maduro të shtunën, duke mbikëqyrur rimëkëmbjen e vendit dhe së fundmi një tranzicion,.

“Ne nuk duam që të shndërrohet në kaos. Faza e dytë do të jetë një fazë që ne e quajmë rimëkëmbje, dhe kjo do të sigurojë që kompanitë amerikane, perëndimore dhe të tjera të kenë akses në tregun venezuelian në një mënyrë të drejtë.

Gjithashtu, në të njëjtën kohë, të fillojë krijimi i procesit të pajtimit në nivel kombëtar brenda Venezuelës, në mënyrë që forcat e opozitës të mund të amnistohen dhe të lirohen nga burgjet ose të kthehen në vend, dhe të fillojë rindërtimi i shoqërisë civile. Dhe pastaj, sigurisht, faza e tretë do të jetë ajo e tranzicionit”, tha Marco Rubio.