Senati i dërgon mesazh të qartë Trumpit: Rezoluta për të kufizuar veprimet ushtarake kundër Venezuelës ecën përpara

Senati i dërgoi një mesazh të qartë paralajmërues Presidentit Donald Trump, duke votuar të enjten për të çuar përpara një rezolutë dypartiake që e ndalon atë të përdorë forcën ushtarake “brenda ose kundër Venezuelës” pa autorizimin e Kongresit, raportoi NBC News .

Vota 52-47 për masën e autorizimit ushtarak erdhi pasi udhëheqësit republikanë u përpoqën pa sukses ta bllokonin atë dhe të ruanin autoritetin e Trump, në një kohë kur ai po kërcënon me një “valë të dytë” sulmesh ndaj Venezuelës.

Trump tha se SHBA-të do ta “udhëheqin” përkohësisht vendin pasi urdhëruan një operacion ushtarak javën e kaluar për të kapur dhe ekstraduar udhëheqësin Nicolas Maduro.

Pesë republikanë iu bashkuan të 47 demokratëve në votimin “pro” e zhvendosjes së rezolutës në një debat plenar në Senat.