Siljanovska-Davkova: Armata jonë është kompatibile dhe e respektuar brenda dhe jashtë vendit

Armata jonë është kompatibile, armata jonë është krahasueshme, armata jonë është e respektuar jo vetëm brenda vendit, por edhe jashtë tij. Dhe mund të themi me siguri se gjendja është për t’u vlerësuar. Mendoj se Armata meriton më shumë mirëkuptim dhe mbështetje, si nga Qeveria, ashtu edhe nga të gjithë ne. Sigurisht që ka mbështetjen time. Kam çfarë të mbroj, çfarë të lavdëroj dhe kam në çfarë të besoj,” theksoi sot presidentja dhe komandantja supreme e Forcave të Armatosura, Gordana Siljanovska-Davkova, pas prezantimit të gjatë mbi gatishmërinë luftarake të Armatës për vitin 2025.

Në takimin, ku morën pjesë ministri i Mbrojtjes Vlado Misajlovski, shefi i Shtatmadhorisë së Armatës gjeneral-major Sashko Lafçiski, gjeneralë nga Armatës dhe përfaqësues nga kabinetet e presidentes dhe ministrit, Siljanovska-Davkova theksoi se takimi i gjatë nuk ishte rastësor, por pasqyron seriozitetin e Armatës, ku prezantimi i detajuar konfirmoi se Armata, siç tha ajo, gëzon respektin më të lartë në vend.

Si komandante supreme, ajo theksoi se ka pasur një pasqyrim të plotë të gjendjes dhe është vërtetuar që ne jemi vërtet kompatibilë dhe të krahasueshëm me të gjitha ushtritë. Presidentja theksoi se besimi i lartë i partnerëve shihet përmes pjesëmarrjeve në misionet ndërkombëtare dhe stërvitjeve të mëdha, duke theksuar se këtë vit në Krivollak kemi pasur pjesëmarrje nga 2000 pjesëmarrës.

Si një moment veçanërisht i rëndësishëm i prezantimit të sotëm, Siljanovska-Davkova theksoi edhe, siç e quajti, fuqinë e diplomacisë ushtarake, duke shtuar se nuk ka mision ku ne të mos jemi vlerësuar shkëlqyeshëm, jo vetëm në rajon, por edhe më gjerë. Ajo përmendi bashkëpunimin e shkëlqyer me strukturat ushtarake të Greqisë dhe Bullgarisë si shembull për diplomaci ushtarake efektive.

Në lidhje me shpenzimet buxhetore për mbrojtjen, presidentja theksoi se në planifikim vihet re një përzgjedhje e jashtëzakonshme dhe një kornizë cilësore dhe strategjike.

“Sigurisht, mua më interesonin shpenzimet nga buxheti, sepse ato janë shumë të rëndësishme, por shoh se edhe këtu ka një përzgjedhje të jashtëzakonshme. Ka një kornizë cilësore, një kornizë strategjike, por qëllimet cilësore janë më të mëdha se ato sasiore, që do të thotë se ne mund të presim përparime,” theksoi presidentja.

Në kontekst të partneriteteve, Siljanovska-Davkova tha se është bërë e qartë pse ne jemi një partner strategjik i respektuar i Shteteve të Bashkuara të Amerikës, duke vënë në dukje se shumica e aktiviteteve janë me ta, por po aq aktivitete kemi edhe me partnerët e BE-së. Ajo ripërsëriti qëndrimin e saj se qasja duhet të jetë “jo ose–ose, por edhe–edhe”.

Duke u iu referuar përfaqësimit të grave në Armatë, presidentja theksoi se pjesëmarrja e tyre është rreth 24 për qind dhe qëllimi është të arrijë 30 për qind. Ajo shtoi se përfaqësimi është më i madh te stafi i oficerëve sesa te nënoficerët dhe se duhet të rritet kontingjenti i nënoficerëve. Po ashtu, ajo paralajmëroi angazhim për krijimin e një “Qendre Kombëtare për Ekselencën e Grave në Armatë”, e cila mund të shndërrohet edhe në një qendër rajonale.

Referimin e mbajti shefi i Shtatmadhorisë së Armatës, gjeneral-major Sashko Lafçiski, i cili e informoi presidenten për detyrat e realizuara dhe arritjet e Armatës gjatë vitit në fushat e personelit, trajnimeve dhe stërvitjeve, pajisjeve dhe infrastrukturës, planifikimit ushtarak dhe strukturës së forcave, modernizimit dhe pajisjes, si dhe buxhetit dhe financave.

Siç kumtuan nga Shtatmadhoria e Armatës, gjenerali Lafçiski theksoi se Armata është plotësisht e gatshme të kryejë rolin e saj kushtetues – mbrojtjen e Republikës, ruajtjen e integritetit territorial dhe pavarësisë, si dhe përmbushjen e detyrimeve kombëtare dhe ndërkombëtare, përfshirë kontributin në mbrojtjen kolektive, operacionet ndërkombëtare dhe mbrojtjen e interesave kombëtare.

Informoi se Armata gjatë vitit të kaluar ka realizuar me sukses të gjitha detyrat e planifikuara dhe të caktuara, duke theksuar nivelin e lartë të gatishmërisë së pjesëtarëve, përparimin në modernizim dhe pajisje, si dhe rolin e rëndësishëm të paqeruajtësve nga Maqedonia në forcimin e sigurisë rajonale dhe globale.

Sipas Lafçiskit, gatishmëria luftarake është në nivelin e kërkuar, dhe Armata do të vazhdojë ta përmirësojë atë përmes zbatimit të planit për modernizim dhe pajisje, trajnimeve dhe stërvitjeve të vazhdueshme brenda dhe jashtë vendit, si dhe përmes realizimit të pakos së qëllimeve të kapaciteteve për vitin 2025, e cila është një nga prioritetet brenda kornizës së NATO-s.