Starmer: Nuk do dorëzohem për Groenlandën, ajo i përket vetëm Danimarkës

Kryeministri britanik, Keir Starmer, deklaroi se Mbretëria e Bashkuar do të vazhdojë të “angazhohet në mënyrë konstruktive” në marrëdhëniet ndërkombëtare, por theksoi se qëndrimi i tij për Groenlandën është “absolutisht i qartë”.

Duke folur për këtë çështje, Starmer përsëriti se “e ardhmja e Groenlandës është vetëm për popullin e Groenlandës dhe Mbretërinë e Danimarkës”, duke hedhur poshtë çdo ndërhyrje të jashtme.

Ai gjithashtu pretendoi se kritikat e ish-presidentit amerikan Donald Trump ndaj marrëveshjes së Mbretërisë së Bashkuar për dorëzimin e Ishujve Chagos kishin si qëllim ushtrimin e presionit ndaj tij për të ndryshuar qëndrimin mbi Groenlandën. Sipas Starmer, fjalët e Trump për Chagos ndryshonin nga qëndrimet e mëparshme mbështetëse që ai kishte shprehur gjatë një takimi në Shtëpinë e Bardhë.

“Presidenti Trump i përdori këto deklarata me qëllimin e qartë për të ushtruar presion mbi mua dhe Britaninë në lidhje me vlerat dhe parimet e mia për të ardhmen e Groenlandës,” tha Starmer.

Ai shtoi se Trump dëshiron që ai të tërhiqet nga qëndrimi i tij, por theksoi prerazi: “Unë nuk do ta bëj këtë.”