Tragjedi në Gostivar: Dy persona gjenden të vdekur në një shtëpi pushimi

Më datë 08.01.2026, në orën 23:45, në DPB Gostivar është denoncuar se në një shtëpi pushimi (vikend) në fshatin Gjonovicë e Epërme të Gostivarit janë gjetur të vdekur dy persona.

Siç raporton Tetovasot, bëhet fjalë për T.J. (30) dhe I.N. (30), të dy nga Shkupi. Mjeku ka konstatuar vdekjen pa gjurmë dhune, ndërsa me urdhër të prokurorit publik, trupat e pajetë janë dërguar për obduksion. Këqyrja e vendit të ngjarjes është kryer nga prokurori publik dhe ekipi i inspektimit nga SPB Tetovë.