Trashësia e borës në Kodrën e diellit ka arritur 34 cm! Ja çfarë moti na pret sipas sinoptikëve

Sot në mëngjes, në Kodër të Diellit kishte më së shumti borë, 34 centimetra, ndërsa më ftohtë, -7 gradë, ishte në Kodër të Diellit dhe në Berovë, njofton DPHM.

Deri në orën 08:30 janë regjistruar temperaturat: -6 gradë në Mavrovë dhe Krushevë, -5 në Kriva Pallankë, -4 në Shkup–Petrovec, Strumicë dhe Tetovë, -3 në Shkup–Zajçev Rid, Shtip, Prilep, Kumanovë dhe Veles, -2 në Manastir, Ohër, Kavadar, Vinicë, Pretor dhe Gjevgjeli, dhe -1 gradë në Demir Kapi.

Shtresa e borës deri në orën 07:00 është: 12 centimetra në Mavrovë, 8 në Manastir, 4 në Krushevë, 3 në Prilep, Pretor dhe Gjurishtë, 2 në Tetovë, dhe 1 centimetër në Shtip dhe Demir Kapi.

Sasia më e madhe e reshjeve në 24 orët e fundit është regjistruar në Manastir, 7 litra për metër katror, 5 litra në Mavrovë, 3 litra në Tetovë, Krushevë dhe Pozharane, 2 litra në Prilep dhe Ohër, dhe 1 litër në Demir Kapi.

Sipas DPHM, moti sot do të jetë i vranët me reshje të sporadike bore. Reshje më të dendura priten në pjesët perëndimore, ku parashikohet që trashësia e borës në malet dhe në disa vende të larta të rritet nga 15 deri në 25 cm, ndërsa në vendet më të ulëta do të formohet një shtresë bore prej 3 deri në 10 cm. Do të fryjë erë e lehtë deri mesatare nga drejtimi jug-lindor. Temperatura maksimale do të jetë nga -2 deri në 4 gradë.

Në Shkup, moti do të jetë kryesisht i vranët me reshje të sporadike bore. Do të fryjë erë e lehtë deri mesatare nga drejtimi jug-lindor. Temperatura maksimale do të arrijë deri në 1 gradë.