U sulmua nga një peshkaqen një javë më parë, ndërron jetë 12-vjeçari në Sidney

Një djalë i vogël, Nico Antic, 12 vjeç, ka ndërruar jetë në Spitalin e Fëmijëve të Sidneit pas një sulmi nga një peshkaqen në Portin e Sidneit më 18 janar. Djali po hidhej nga një shkëmb me miqtë e tij kur u sulmua nga ajo që autoritetet dyshojnë se ishte një peshkaqen dem.

Prindërit e Nicos, Lorena dhe Juan, shpallën lajmin me një deklaratë ku e përshkruan djalin e tyre si “të lumtur, miqësor dhe sportiv” dhe falënderuan miqtë që u hodhën në ujë për ta ndihmuar atë. Nico pësoi lëndime të rënda në këmbë dhe u vendos në koma të induktuar pas operacionit, por fatkeqësisht nuk mundi t’i mbijetonte plagëve.

Incidenti është pjesë e një vale sulmesh nga peshkaqenët përgjatë bregdetit të Uellsit të Ri Jugor gjatë dy ditëve të fundit. Shumë plazhe në Sydney janë mbyllur përkohësisht për të mbrojtur publikun, ndërsa ekspertët thonë se kushtet e paqëndrueshme të motit dhe uji i turbullt i nxitur nga reshjet e rrëmbyeshme kanë tërhequr peshkaqenët më afër bregut.

Një fushatë online për mbështetjen e familjes së Nicos ka mbledhur deri tani 240,000 dollarë australianë.