Vetura godet këmbësoren në Gostivar, 55-vjeçarja pëson lëndime të rënda

Më 27.01.2026, në orën 15:20, në DPB Gostivar është raportuar se në rrugën “Mara Ugrinoska” në Gostivar, një automjet i tipit “Citroën”, me targa të Gostivarit, i drejtuar nga R.N. (68) nga Gostivari, ka goditur këmbësoren N.N. (55), po ashtu nga Gostivari. Si pasojë e aksidentit, N.N. ka pësuar lëndime të rënda trupore, të konstatuara në Spitalin e Përgjithshëm të Gostivarit. Në vendngjarje është kryer këqyrje nga ekipi hetimor i DPB Gostivar.