Von der Lejen: BE-ja është përballë realitetit të ri, duhet të punojmë të pavarur

Kriza transatlantike e ka shtyrë Bashkimin në një realitet të ri të ashpër, një realitet në të cilin duhet të përqafojë pavarësinë e tij.

“Ne e dimë se duhet të punojmë si një Evropë e pavarur”, i tha presidentja e Komisionit Evropian, Ursula von der Lejen gazetarëve në fund të takimit pesorësh.

Edhe pse ndryshimi mendor drejt pavarësisë ishte pjekur prej vitesh, që kur Donald Trampi hyri për herë të parë në Shtëpinë e Bardhë në vitin 2017, kërcënimet e tij të paprecedentë ndaj Grenlandës vepruan si një thirrje zgjimi, duke i detyruar udhëheqësit evropianë të ndërmarrin hapa që do të konsideroheshin të paimagjinueshëm edhe disa muaj më parë, thanë të njëjtat burime. “Është terapi shoku. Evropa nuk mund të kthehet siç ishte më parë. Ata e kanë thënë këtë për ditë të tëra.”, shtoi ai. Se si do të duket saktësisht kjo rrugë e re është një çështje për diskutim në të ardhmen.

Megjithatë, ditët e fundit ka pasur shenja për drejtimin që mund të marrë. Përgjigja fillestare e udhëheqësve të BE-së ndaj krizës së Grenlandës përfshirë pezullimin e një marrëveshjeje tregtare BE-ShBA, vendosjen e trupave në Grenlandë dhe kërcënimet për hakmarrje të gjerë tregtare kundër Shteteve të Bashkuara dha një pamje të parë të asaj që mund të pasojë.