Arrestohet një person për narkotikë në Gostivar

Më 05.02.2026, në ora 01:20 në Gostivar, zyrtarë policorë nga DPB Gostivar kanë privuar nga liria personin B.B. (34) nga Gostivari, për shkak të dyshimit të bazuar për veprën penale “prodhim i paautorizuar dhe lëshim në qarkullim i narkotikëve, substancave psikotrope dhe prekursorëve”.

Në bazë të urdhrit gjyqësor është kryer bastisje në shtëpinë dhe objektet ndihmëse të tij, gjatë së cilës B.B. ka dorëzuar vullnetarisht një kuti me marihuanë. Ai është ndaluar në Stacionin Policor Gostivar dhe pas dokumentimit të rastit do të parashtrohet kallëzim penal.TS