Kishte ndalim për vozitje, arrestohet dhe i konfiskohet vetura 21-vjeçarit nga Dobroshti i Tetovës

MPB njofton se më datë 09.02.2026 në ora 21:40 në bul. „Ilinden“ në Tetovë, punonjës policie nga SPB Tetovë kanë privuar nga liria personin I.S. (21) nga fshati Dobrosht, rrethina e Tetovës. Gjatë një kontrolli në trafik, është ndaluar automjeti i pasagjerëve „BMW“ me targa të Tetovës, të cilin e drejtonte ai, me ç’rast është konstatuar se e drejtonte mjetin gjatë kohës së masës aktive të ndalesës për drejtim të mjetit motorik. Automjeti është sekuestruar dhe pas dokumentimit të plotë të rastit, ndaj tij do të vijojë kallëzimi përkatës.