LSDM: Këshilltari i Mickoskit propozohet për gjykatës kushtetues

Partia opozitare maqedonase LSDM, në një kumtesë për media thotë se Goce Naumovski, i cili është këshilltar i jashtëm i kryeministrit Mickoski për çështje ligjore, është propozuar për gjyqtar të ri kushtetues që pritet të votohet së shpejti.

Nga LSDM thonë se Goce Naumovski është vëllai i ish-zëvendëskryeministrit për Integrimin Evropian nga radhët e VMRO-DPMNE-së, Vasko Naumovski, gjë që sipas LSDM-së, konfirmon edhe një herë marrëdhëniet dhe ndikimet politike.

“Qeveria merr gjyqësorin dhe prokurorinë nën kontrollin e saj të plotë. Ata ndryshuan prokurorin publik dhe zgjedhjen e planifikuar të një prokurori nën kontrollin e tyre. Ata emëruan gruan e një kryetari komune nga VMRO-DPMNE si anëtare të Këshillit Gjyqësor. Tani këshilltare e Mickoskit në Gjykatën Kushtetuese. Ndërsa Mickoski nga foltorja parlamentare u cakton detyra dhe u tregon se çfarë dhe si të punojnë. Ata sjellin ligje për gjyqësorin që janë në kundërshtim me rekomandimet e BE-së. Gjyqësor i kontrolluar nga partia, gjyqtarë dhe prokurorë nga fletoret. Njësoj si në kohën e Nikola Gruevskit. Pason një varrim i plotë i drejtësisë dhe i sundimit të ligjit”, thonë nga LSDM.