Muhamed Sejdinit i ndalohet dy vite ushtrimi i funksioneve në futboll për mashtrim dhe keqpërdorim të autorizimeve

FFM mori vendim për shqiptimin e masës disiplinore ndalim i ushtrimit të funksionit për një periudhë prej dy vitesh ndaj Muamed Sejdinit, delegat i Kuvendit të FFM-së, për veprën e kryer “mashtrim dhe vënie në mashtrim të një organi të organizatës së futbollit”, në përputhje me nenin 84 të Rregullores Disiplinore.

Është konstatuar se Komiteti i Emergjencës i FFM-së, më 27.11.2024, ka marrë vendim për pranimin e ofertës së shoqërisë DPTU ENERGOINVEST TREJD SHPK Shkup, për ndërtimin e një tribune në stadiumin “Biljanini Izvori” në Ohër, në vlerë prej 202.919.610,00 denarësh pa TVSH, pa kusht për pagesë avansi, dhe ka autorizuar kryetarin e atëhershëm, Muamed Sejdini, që të nënshkruajë kontratën në përputhje me ofertën e pranuar.

I njëjti vendim është konfirmuar më pas edhe nga Bordi Drejtues i FFM-së.

Megjithatë, më 03.12.2024, Muamed Sejdini, duke keqpërdorur pozitën e tij, ka nënshkruar kontratë me një kusht të futur për pagesë avansi prej 20%, i cili nuk ka qenë pjesë e ofertës së pranuar, ndërsa avansi është paguar pa garanci bankare të siguruar dhe pa autorizim përkatës.

Me këtë veprim, Komisioni Disiplinor konstatoi se Muamed Sejdini ka mashtruar dhe ka vënë në mashtrim Bordin Drejtues të FFM-së dhe i ka shkaktuar Federatës dëm të konsiderueshëm material, për çka ndaj tij është shqiptuar masa përkatëse disiplinore.