Ademi: Artan Grubi i pafajshëm, sipas rendit kushtetues!

Arbër Ademi nga Bashkimi Demokratik për Integrim, ka deklaruar se ish zv.kryeministri, Artan Grubi është i pafajshëm, derisa nuk vërtetohet fajësia ndaj tij për veprën për të cilën akuzohet.

“Jo vetëm Bashkimi Demokratik për Integrim, por vetë rendi juridik i vendit e konsideron të pafajshëm, për shkak se prezumimi i pafajsisë është një nga principet kryesore jo vetëm në systemin tonë të drejtësisë, por në të gjitha sistemet bashkëkohore që do të thotë se çdo kush konsiderohet i pafajshëm derisa fajësia nuk vërtetohet”, tha Ademi, në podcastin “Rishtazi”, të gazetës KOHA.