Fitorja e Magyar, reagon Macron: Pjesëmarrje demokratike, lidhje e popullit hungarez me vlerat e BE

Fitorja e Magyar, reagon Macron: Pjesëmarrje demokratike, lidhje e popullit hungarez me vlerat e BE

Presidenti francez, Emmanuel Macron përmes një postimi në “X” ka reaguar lidhur me fitoren e Peter Magyar në zgjedhjet në Hungari. Macron thekson se ka zhvilluar një takim me Magyar dhe e pëegëzoi për fitoren e partisë së tij.

Ai shton se Franca e përshëndet fitoren e tij dhe për pjesëmarrjen demokratike. Presidenti francez bëri thirrje që më liderin e ri hungarez të çojnë përpara Evropën me sovrane.

“Sapo zhvillova një takim me Peter Magyar për ta përgëzuar për fitoren e tij në Hungari! Franca përshëndet një fitore të pjesëmarrjes demokratike, të lidhjes së popullit hungarez me vlerat e Bashkimit Evropian dhe për Hungarinë në Evropë. Së bashku, le të çojmë përpara një Evropë më sovrane, për sigurinë e kontinentit tonë, konkurrueshmërinë tonë dhe demokracinë tone”, shkruan Macron.

Teksa numërimi i votave vijon në Hungari, rezultat tregojnë se lideri i opozitës Peter Magyar ka arritur të mposhtë kundërshtarin e tij Viktor Orban. Nga rezultatet e publikuara, partia Tisza e Magyar fiton shumicën prej dy të tretash nga 199 vende në Parlamentin hungarez.

Magyar merr 136 ulëse. Ky rezultat është më shumë se dyfishi i partisë “Fidesz” të kryeministrit Viktor Orban, e cila ka 56 vende. Ekstremistët e ekstremit të djathtë të Mi Hazank fituan shtatë. Ky nuk është ende rezultati përfundimtar.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume