Autobusi shkrumbohet nga zjarri në mes të autostradës Veles–Shkup

Një autobus me targa të Prilepit është djegur në autostradën Veles–Shkup, në afërsi të pikës së pagesës në Otovicë. është përfshirë nga zjarri një autobus me targa të Prilepit. Sipas informacioneve të Ministrisë së Punëve të Brendshme, të gjithë udhëtarët kanë arritur të dalin me kohë nga automjeti dhe fatmirësisht nuk ka të lënduar.

Në vendngjarje kanë ndërhyrë ekipe të Njësisë Territoriale të Zjarrfikësve dhe policia e Njësisë për Sigurinë e Trafikut Rrugor në Veles. Zjarri ka shpërthyer gjatë lëvizjes së autobusit, ndërsa shkaqet ende nuk dihen. Për shkak të ndërhyrjes dhe masave të sigurisë, në këtë segment të autostradës kishte ndërprerje të përkohshme të qarkullimit.