Gjyqtarit nga Somalia i ndalohet hyrja në SHBA, me tri ditë nga Botërori

Një konflikt i ri diplomatik ka shpërthyer me Shtetet e Bashkuara vetëm tri ditë para fillimit të Kupës së Botës.

Është raportuar se gjyqtari somalez Omar Abdulkadir Artan është ndaluar të hyjë në vendin organizator, SHBA, për shkak të problemeve me vizën amerikane.

Artan është një nga gjyqtarët më premtues afrikanë, gjë që shpjegon përzgjedhjen e tij nga FIFA për të qenë pjesë e ekipit të arbitrave në Kupën e Botës.

Megjithëse FIFA dhe federata e vendit të tij kanë tentuar të ndërhyjnë, vendimi nuk është ndryshuar, duke e penguar atë të udhëtojë drejt vendeve ku zhvillohet turneu.

Rasti i Omar Abdulkadir Artan nuk është i izoluar dhe rikthen në vëmendje polemikat rreth marrëveshjeve për hyrje pa viza që FIFA zakonisht kërkon nga vendet pritëse, për të garantuar akses për të gjithë pjesëmarrësit në Kupën e Botës.

Rregulloret e FIFA-s parashikojnë që vendet organizatore duhet të lehtësojnë dhënien e vizave për të gjithë pjesëmarrësit dhe zyrtarët e turneut.

Deri tani, ai nuk ka arritur të hyjë në SHBA, dhe mbetet për t’u parë nëse organi i arbitrimit të FIFA-s do ta zëvendësojë me një gjyqtar tjetër për turneun.