Mickoski: Është vënë në përdorim salla sportive “Rasadnik” në Kisella Vodë

„Mirëdita edhe nga unë, çdo ditë përpiqemi që një pjesë të projekteve që kemi nisur t’i përfundojmë, ngadalë por me siguri, me ardhjen e pranverës dhe tani të verës, një numër i madh i këtyre projekteve që kanë filluar po finalizohen dhe do të marrin pamjen që meritojnë.
Një nga këto objekte është edhe kjo sallë sportive, përafërsisht siç është konfiguruar, ka një kapacitet prej rreth një mijë shikues. Siç e shihni, kushtet janë vërtet të nivelit botëror dhe evropian. Ndoshta aktualisht është objekti më modern i këtij lloji në të gjithë vendin.
Jam i sigurt se jo vetëm të rinjtë nga Kisella Voda, por edhe nga qyteti i Shkupit dhe më gjerë, do të merren me sport, do të garojnë dhe do të shoqërohen këtu, dhe pse jo, nga kjo sallë mund të dalin yje të mëdhenj evropianë dhe botërorë, të cilët janë ambasadorët më të mirë të një shteti.

Do të doja ta shfrytëzoja këtë rast për të falënderuar për bashkëpunimin jashtëzakonisht të mirë dhe të suksesshëm me kryetarët e komunës së Kisella Vodës dhe të Qytetit të Shkupit, me ministrin e Sportit, si dhe me të gjithë kolegët nga Qeveria, të cilët e njohën qëllimin e nismës sonë që në fillim të mandatit tonë qeverisës para dy vitesh, që përmes transfereve financiare drejt komunave të ndihmojmë zhvillimin e tyre shoqëror dhe që këto transfere të sjellin vlerë të shtuar në cilësinë e jetës së qytetarëve, pasi komunat janë në vijën e pare.
Kështu do të vazhdojmë edhe në të ardhmen dhe për mua është një kënaqësi e veçantë sa herë që kemi mundësinë të vëmë në përdorim një objekt të tillë.
Ju faleminderit.“