Sonte nis Kupa e Botës 2026, turneu më i madh në historinë e futbollit
Pas muajsh pritjeje dhe përgatitjesh, sonte nis zyrtarisht Kupa e Botës 2026, turneu më i madh i organizuar nga FIFA.
Botërori i këtij viti zhvillohet në tri shtete pritëse, Shtetet e Bashkuara të Amerikës, Kanada dhe Meksikë, dhe për herë të parë do të marrin pjesë 48 kombëtare.
Ndeshjet e para të turneut luhen sonte, ku Meksika përballet me Afrikën e Jugut, ndërsa Koreja e Jugut ndeshet me Republikën Çeke.
Kombëtarja e Shteteve të Bashkuara do ta zhvillojë ndeshjen e saj të parë të premten ndaj Paraguait.
Faza e grupeve do të zgjasë deri më 27 qershor.
Në garë janë 12 grupe me nga katër skuadra, ku secila kombëtare do të luajë nga tri ndeshje. Dy ekipet më të mira nga secili grup, së bashku me tetë kombëtaret më të mira të vendeve të treta, do të sigurojnë kalimin në fazën me eliminim direkt.
Faza e 1/16 së finales do të zhvillohet nga 28 qershori deri më 3 korrik, ndërsa ndeshjet e 1/8 së finales nga 4 deri më 7 korrik.
Çerekfinalet janë paraparë të luhen nga 9 deri më 11 korrik, gjysmëfinalet më 14 dhe 15 korrik, ndeshja për vendin e tretë më 18 korrik, ndërsa finalja e madhe do të zhvillohet më 19 korrik.
Botërori 2026 pritet të jetë edicioni më spektakolar në histori, me numrin më të madh të skuadrave pjesëmarrëse dhe me miliona tifozë që do ta ndjekin garën nga e gjithë bota.
Shtetet pjesëmarrëse në Kupën e Botës 2026:
Grupi A
Meksika
Afrika e Jugut
Koreja e Jugut
Republika Çeke
Grupi B
Kanadaja
Bosnja dhe Hercegovina
Katari
Zvicra
Grupi C
Brazili
Maroku
Haiti
Skocia
Grupi D
Shtetet e Bashkuara të Amerikës
Paraguai
Australia
Turqia
Grupi E
Gjermania
Curaçao
Bregu i Fildishtë
Ekuadori
Grupi F
Holanda
Japonia
Suedia
Tunizia
Grupi G
Belgjika
Egjipti
Irani
Zelanda e Re
Grupi H
Spanja
Kepi i Gjelbër
Arabia Saudite
Uruguai
Grupi I
Franca
Senegali
Iraku
Norvegjia
Grupi J
Argjentina
Algjeria
Austria
Jordania
Grupi K
Portugalia
Republika Demokratike e Kongos
Uzbekistani
Kolumbia
Grupi L
Anglia
Kroacia
Gana
Panamaja
