Autobusi përfshihet nga flakët në rrugën Tetovë–Gostivar

Në magjistralen Tetovë–Gostivar sot është përfshirë nga zjarri një autobus, duke shkaktuar ndërprerje të qarkullimit në këtë segment rrugor.

Sipas informacioneve të para, zjarri ka shpërthyer në pjesën e motorit të autobusit. Personeli i autobusit ka reaguar menjëherë dhe me aparate kundër zjarrit po përpiqet të lokalizojë flakët deri në mbërritjen e ekipeve të zjarrfikësve.

Për momentin nuk ka informacione për persona të lënduar, ndërsa autoritetet po punojnë për normalizimin e trafikut dhe zbardhjen e shkaqeve të incidentit.