Ryva Kajtazi rrëfen periudhën e vështirë të abortit: “Mos u dorëzoni kurrë”

Këngëtarja e njohur Ryva Kajtazi ka ndarë së fundmi një nga momentet më të vështira të jetës së saj, duke rrëfyer se në të kaluarën ka përjetuar humbjen e një shtatzënie.

Ajo tregoi se kjo ishte një periudhë e dhimbshme, por theksoi se nuk e humbi kurrë shpresën. Sipas Ryvës, rruga drejt realizimit të ëndrrës për t’u bërë nënë nuk ishte e lehtë dhe kërkoi shumë forcë, durim dhe besim, shkruan Kosovarja.

Sot, artistja shprehet mirënjohëse që është nënë e dy fëmijëve, të cilët i quan “drita e syve”. Ajo e konsideron këtë si bekimin më të madh pas sfidave që ka kaluar.

Me rrëfimin e saj, Ryva u dha një mesazh të gjithë atyre që po përballen me situata të ngjashme, duke i inkurajuar të mos dorëzohen kurrë dhe të vazhdojnë të besojnë se ditë më të mira do të vijnë.