Benzina kalon 100 denarë, dizeli ulet – nga sot çmimet e reja të karburanteve në Maqedoni

Nga sot, 15 shtator, në Maqedoninë e Veriut kanë hyrë në fuqi çmimet e reja të derivateve të naftës.

Çmimi i Eurodieselit ulet për 2 denarë, duke zbritur në 99 denarë për litër.

Ndërkohë, benzina shtrenjtohet për 3,5 denarë për litër. EuroSuper BS-95 tani kushton 100,50 denarë, ndërsa BS-98 arrin në 102,50 denarë për litër.

Ndryshimet vijnë në kuadër të masave të Qeverisë për përballimin e rritjes së çmimeve të energjisë, përfshirë uljen e TVSH-së për dizelin nga 18 në 10 për qind.

Kështu, për qytetarët që përdorin automjete me naftë, çmimi i dizelit nga sot është më i ulët, ndërsa benzina ka kaluar pragun prej 100 denarësh për litër.