Messi ia jep lamtumirën Argjentinës me një gol e dy asistime, në një natë emocionale
Lionel Messi e mbylli në mënyrën më të bukur të mundshme karrierën me kombëtaren e Argjentinës, duke kontribuar në të tre golat e fitores 3-0 ndaj Beninit në stadiumin “Monumental” të Buenos Airesit.
Në ndeshjen e tij të 208-të me fanellën e Argjentinës, Messi regjistroi një gol dhe dy asistime, duke ia dhënë lamtumirën kombëtares pas më shumë se dy dekadash.
Fillimisht, në minutën e 48-të, Messi ekzekutoi një goditje nga këndi, nga e cila Nicolás Otamendi shënoi me kokë për 1-0.
Më pas, në minutën e 61-të, “pleshti” asistoi për Nico Paz, i cili dyfishoi epërsinë e Argjentinës.
#AD10S 🐐 ⚽️ #Argentina 🇦🇷 3 🆚 Benín 🇧🇯 0 🗣️ Otro más. En su noche. Quisiera que esto dure para siempre 🎵 https://t.co/gN10KPICGY
— 🇦🇷 Selección Argentina ⭐⭐⭐ (@Argentina) October 7, 2026
Në minutën e 71-të erdhi momenti i shumëpritur. Messi fitoi dhe ekzekutoi një penallti, duke shënuar golin e tij të 126-të me kombëtaren argjentinase.
Në “Monumental”, mbi 85 mijë tifozë e përcollën legjendën me ovacione dhe emocione të mëdha.
Messi nuk i fshehu lotët gjatë ceremonisë së lamtumirës, ndërsa në fund të ndeshjes u rrethua nga shokët e skuadrës, kundërshtarët dhe stafi i Argjentinës.
“Të mos vij më këtu do të më dhembë shumë. Do të doja të isha këtu duke luajtur për gjithë jetën, sepse të luash për kombëtaren e Argjentinës është gjëja më e bukur që mund të të ndodhë”, tha Messi pas ndeshjes.
Messi largohet nga kombëtarja si rekorder për paraqitje dhe gola, me 208 ndeshje dhe 126 gola.
https://t.co/0NG5r5CdSx
— Messi World (@M10GOAT) October 7, 2026
Me Argjentinën ai e fitoi Kupën e Botës 2022, dy Kupa të Amerikës dhe Finalissiman.
Një kapitull i jashtëzakonshëm u mbyll në “Monumental”. Messi iku siç i ka hije një legjende: me gol, dy asistime dhe lot në sytë e një kombi të tërë.