“Mos u frikëso”, Erdogan shkëmben batuta me Komisioneren e BE-së teksa drejton trenin e shpejt turk (VIDEO)

Presidenti i Turqisë, Recep Tayyip Erdogan, përuroi të premten një segment të ri të hekurudhës me shpejtësi të lartë që lidh Stambollin me kufirin bullgar, e më pas drejtoi personalisht trenin gjatë udhëtimit të parë në këtë linjë.

Në kabinën e drejtimit ishte edhe komisionerja evropiane për Zgjerim, Marta Kos.

Gjatë udhëtimit, Kos e pyeti presidentin turk nëse dinte të drejtonte edhe helikopterin.

“Po”, u përgjigj Erdogan, duke shkaktuar të qeshura te të pranishmit.

Hekurudha e re është pjesë e projektit Halkalı–Kapıkule, që synon të përmirësojë lidhjet hekurudhore mes Turqisë dhe Bashkimit Evropian.

Segmenti i hapur është 153 kilometra i gjatë dhe lidh Çerkezköyn me Kapıkulen, në kufirin me Bullgarinë. Linja është projektuar për shpejtësi deri në 200 kilometra në orë.

Në ceremoninë e inaugurimit, Erdogan deklaroi se përfundimi i projektit do ta shkurtojë udhëtimin me tren mes Halkalıt dhe Kapıkules nga rreth katër orë në një orë e gjysmë.

Ai theksoi se hekurudha do të ndihmojë në lidhjen e qendrave industriale turke me tregjet evropiane, si dhe do të kontribuojë në rritjen e tregtisë, eksporteve dhe turizmit.

Ndërtimi i projektit ka nisur në vitin 2019 dhe financohet bashkërisht nga Turqia dhe Bashkimi Evropian.

#SONDAKİKA Cumhurbaşkanı Erdoğan, Çerkezköy-Kapıkule Hızlı Tren Hattı’nda ilk test sürüşünü yaptı. — Erdoğan, Babaeski’den Lüleburgaz’a kadar treni kullandı. — Sürüşte Erdoğan’a Avrupa Komisyonu Üyesi Marta Kos eşlik etti. Kos: “Helikopter de kullanabiliyor musunuz?” Cumhurbaşkanı Erdoğan: “Yes.” https://t.co/Hmy3OlfX53

— MECMUA (@medyamecmua) October 10, 2026