68-vjeçari goditet nga furgoni në Shkup, përfundon rëndë në spital

Një këmbësor 68-vjeçar ka mbetur me lëndime të rënda trupore pasi është goditur nga një automjet transportues në Shkup.

Sipas policisë, aksidenti ndodhi më 5 nëntor rreth orës 15:00 në rrugën “Dizhoni”, ku automjeti “Peugeot”, i drejtuar nga B.L. (36) nga Shkupi, ka goditur këmbësorin L.M. (68).

I lënduari është dërguar në spitalin “Shën Naumi Ohridski”, ku mjekët kanë konstatuar lëndime të rënda trupore.

Policia ka kryer këqyrjen dhe po heton shkaqet e aksidentit.

TetovaSot do të ndjekë rastin.