Zhozep Borel sot dhe nesër për vizitë në vendin tonë

Përfaqësuesi i lartë i BE-së për Politikë të Jashtme dhe Siguri dhe nënkryetar i Komisionit Evropian, Zhozep Borel, sot dhe nesër do të qëndrojë për vizitë zyrtare në vend, ku edhe siç është paralajmëruar, do ta kryesojë delegacionin e BE-së në Këshillin e 16-të për Stabilizim dhe Asocim ndërmjet BE-së dhe Maqedonisë së Veriut.

Sipas agjendës, Borel sot do të takohet me kryeministrin Dimitar Kovaçevski, ndërsa nesër do të kryesojë Këshillin e Stabilizim-Asociimit ndërmjet BE-së dhe vendit, ku Maqedonia e Veriut do të përfaqësohet nga kryeministri Kovaçevski, ndërsa Komisioni Evropian do të përfaqësohet nga Komisioneri Oliver Varhei.