Lloga takon Ivanovskën: Të fuqizohen mekanizmat në luftën kundër korrupsionit

Ministri i Drejtësisë realizoi takim me Kryetaren e Komisionit Shtetëror për Parandalimin e Korrupsionit (KSHPK), Biljana Ivanovska dhe me Zëvendëskryetaren, Katica Nikollovska.

Në takim u bisedua për bashkëpunim ndërmjet Ministrisë së Drejtësisë dhe KSHPK-së si dhe për aktivitetet të cilat po ndërmerren në pjesën e realizimit të masave dhe aktiviteteve në luftën kundër korrupsionit. Gjithashtu u bisedua edhe për nevojën e fuqizimit të mekanizmave për parandalim dhe eliminim të korrupsionit. U konstatua domosdoshmëria për implementim të mekanizmave ligjorë dhe kontrollues për mbikëqyrje dhe përcaktimin e përgjegjësisë të aktorëve përkatës, veçanërisht në kuadrin e gjyqësorit.

Në takim u shkëmbyen qëndrime edhe lidhur me fuqizimin e rolit dhe zgjerimin e kompetencave të KSHPK-së dhe nevojën për fuqizimin e pavarësisë financiare dhe gjendjen me burimet njerëzore të komisionit.

Ministri Lloga theksoi se në periudhën në vijim do të shqyrtohen mundësitë e vendosjes së detyrimeve ligjore për dërgimin e pyetësorëve për më shumë kategori të cilat nuk janë të përfisha me legjislacionin ekzistues.