Pjesëtarët e FSK-së trajnohen për operacione nate

Pjesëtarët e regjimentit të parë të Forcave Tokësore në kuadër të Forcës së Sigurisë së Kosovës kanë realizuar trajnimin “Patrullat luftarake gjatë natës”.

Në kuadër të trajnimit janë realizuar ushtrime për detyrat kyçe kolektive të njësisë në kushte të natës, bëhet e ditur në faqen zyrtare të FSK-së, njofton Klankosova.tv.

Tutje bëhet e ditur se gjatë këtij trajnimi janë realizuar patrullime të kombinuara në terrene të ndryshme, operime në zona urbane dhe janë realizuar gjuajtje reale.

Qëllimi i trajnimit ka qenë ngritja e aftësive operacionale të njësisë për të operuar dhe vepruar në kushte nate.