Spasovski: Policia vepron dhe do të veprojë në të gjithë territorin e vendit

Ministri Oliver Spasovski në seancën e sotme për pyetje të deputetëve në Kuvend, i pyetur nëse dhe si reagon policia ndaj situatës në Sllupçan me bllokadat e banorëve të ekipeve të EVN-së dhe nëse ka sovranitet mbi tërë territorin, theksoi se policia e Maqedonisë po vepron dhe do të veprojë gjithmonë në të gjithë territorin edhe pas këtij rastit.

“Vendosja e tezave të tilla kontribuon shumë më tepër në humbjen e Maqedonisë. Sa i përket situatës në Sllupçan, mendoj se kjo situatë është e papranueshme dhe në atë pjesë policia ka vepruar disa herë, së bashku dhe në bisedë me të gjitha institucionet dhe pushtetin lokal.

Dhe mëngjesin e sotëm ka ndërhyrë policia. Gjithsesi, gjithmonë për kur ka arsye dhe në bazë të vlerësimeve të bëra nga policia. Policia vepron kur plotësohen kompetencat ligjore për veprimin e saj. Para së gjithash, në funksionimin e policisë duhet pasur parasysh funksionimi i të drejtave të njeriut dhe të drejtave të qytetarëve”, theksoi ministri Spasovski.

Ministri Spasovski shpjegoi se në territorin e komunës së Likovës ka disa stacione policore dhe bashkëpunimi me qytetarët është në nivel të lartë, si në komunat tjera në vend.