Kurti merr mbështetje nga SHBA për të siguruar kufirin, garanton se Policia do të bashkëpunojë me KFOR’in

Kryeministri i Kosovës, Albin Kurti, ka njoftuar për telefonatën që sot ka pasur nga këshilltari kryesor i presidentit amerikan, Jake Sullivan.

Kurti ka thënë se e ka falënderuar atë për mbështetjen për sigurinë kufitare të Kosovës dhe që kërkojë rritje të mbështetjes kundër planeve të Serbisë për luftë.

Kreu i Qeverisë së Kosovës ka thënë se e ka siguruar këshilltarin e Joe Biden për bashkëpunimin e vazhdueshëm të Policisë së Kosovës me KFOR-in dhe se përkushtimi i Kosovës për të mbrojtur të gjithë qytetarët është i palëkundshëm.