Kujdes nga vozitja në kushtet me borë dhe akull në rrugë

VOZITJA NË KUSHTET ME BORË DHE AKULL NË RRUGËT

Këto ditë karakterizohen nga ulja e temperaturave dhe reshjet e borës. Prandaj KRSKRR-ja kujton domosdoshmërinë e vozitjes së kujdesshme dhe përdorimit të pajisjeve dimërore për automjetet. Para se të niseni për në destinacionin e parashikuar, përgatiteni automjetin dhe përshtatuni me kushtet e rrugës në dimër. Përdorni pajisje dimërore dhe kontrolloni antifrizin, karburantin, fshirëset dhe lëngun e fshirësve të xhamit të përparmë, akumulatorin dhe gomat. Gjithashtu, rekomandojmë që të siguroni edhe mjet për shkrirjen e xhamit dhe bravave, si dhe lopatë, fshesë, karikues telefoni, etj.
KRSKRR-ja rekomandon vozitjen e mjeteve motorike me përgjegjësi, duke i marrë parasysh kushtet e reshjeve të borës, mjegullës, rrugëve të lagështa dhe të rrëshqitshme, të cilat do të kontribuojnë në rritjen e sigurisë së të gjithë pjesëmarrësve në komunikacion. Hulumtimet tregojnë se kushtet e pafavorshme të motit mund të rezultojnë në ulje të dukshmërisë, shpërqendrim të shoferëve, zgjatje të distancës së frenimit të automjetit, etj. E gjithë kjo mund të rrisë kohën e reagimit të shoferëve për 13 deri në 75%, duke e rritur mundësinë e aksidentit në komunikacion. Konsiderohet se në kushtet e dimrit dhe reshjeve të borës në rrugë, reagimet e shoferëve ngadalësohen për 34%.
Prandaj KRSKRR-ja bën thirrje: Përdorni pajisje dimërore dhe përshtateni vozitjen sipas kushteve të rrugës. Le të kontribuojmë të gjithë.