Spanja e “shkel” Irlandën Veriore, e kalon me sukses testin e fundit para Euro 2024

Spanja e ka përmbyllur me sukses ciklin e miqësoreve para Kampionatit Evropian.

“Furia e Kuqe” triumfoi 5:1 ndaj Irlandës Veriore, në ndeshjen e zhvilluar sonte.

Megjithatë, starti ishte i vështirë për të kuqtë, që e panë veten në disavantazh qysh në minutën e dytë të ndeshjes kur Ballard realizoi.

Por, Spanja e mori shpejt situatën në kontroll me golin e Pedrit në minutën e 12-të që e barazoi rezultatin.

Gjashtë minuta më pas, Morata përmbysi gjithçka dhe kaloi ekipin e tij në epërsi.

Ishte Pedri që shënoi edhe njëherë tjetër për 3:1 në minutën e 29-të, para se Fabian Ruiz të shënonte për 4:1 gjashtë minuta më pas.

Për 6:1 që ishte edhe epilogu i këssaj ndeshje u përkujdes Oyarzabal me gol në minutën e 60-të.

Lamine Yamal dhuroi dy asistime në këtë ballafaqim.

Kësisoj, Spanja tregon se është e gatshme për Kampionatin Evropian që nis pas gjashtë ditësh, ndërsa është në grup me Shqipërinë, Kroacinë dhe Italinë.