Rrëzohet aeroplani, zëvendëspresidenti i Malavi dhe nëntë të tjerë raportohen të vdekur

Zëvendëspresidenti i Malavi dhe nëntë të tjerë kanë vdekur në një aksident aeroplani, ka thënë presidenti i vendit.
Sipas mediave të huaja, përcjell Telegrafi, aeroplani – me Saulos Chilima, gjashtë pasagjerë të tjerë dhe tre anëtarë të ekuipazhit ushtarak – “doli nga radari” pasi u largua nga kryeqyteti, Lilongwe, të hënën në mëngjes.

Qindra ushtarë, oficerë policie dhe roje pyjore po kërkonin aeroplanin pasi u zhduk gjatë fluturimit 45-minutësh nga Lilongwe në qytetin e Mzuzu.

Dhe ai u gjet i shkatërruar në një pjesë malore të pyllit Chikangawa, tha të martën presidenti i Malavi, Lazarus Chakwera.