Qeveria i mbulon shpenzimet për mërgimtarët rreth polisës kufitare

Tre milionë euro janë ndarë për mbulimin e shpenzimeve të polisës kufitare.

Vendimi u miratua sot në mbledhjen e Qeverisë së Kosovës.

Ministri i Financave, Punës dhe Transfereve, Hekuran Murati, tha se kjo ka të bëjë me masa mbështetëse për mërgatën tonë.

“E cila parasheh mbulimin e polisës kufitare për bashkëatdhetarët që vijnë në Republikën e Kosovës për kohën sa qëndrojnë këtu”, tha ai.

Ekzekutivi i ka mbuluar shpenzimet e polisës kufitare për mërgimtarët edhe gjatë tri viteve paraprake.