QMK: Qytetarët kanë arritur ta lokalizojnë zjarrin në Pllasnicë, nëse del nga kontrolli do të marrim masa

Për të tretën ditë me radhë zjarri në Komunën e Pllasticës po vazhdon.

Nga Qendra për Menaxhim me Kriza Shkup për TV21 thanë se pas intervenimit të TV21 ata janë në kontakt të vazhdueshëm me kryetarin e komunës dhe se qytetarët deri diku kanë arritur ta lokalizojnë zjarrin, por nëse situata vazhdon të dal nga kontrolli ata do të marrin masa

Ndërkaq drejtori i QMK-së, Stojançe Angelov tha se intervenohet në varësi nga rreziku i zjarreve.

“Nuk është e vërtetë se askush nuk po reagon, ka njerëz që po intervenojnë në shuarjen e zjarrit. Duhet që kryetari i komunës vetë të kërkojë ndihmë, ne nuk mund të dërgojmë ekipë sepse ka zjarre që kanë kapluar shtëpitë”, tha Angelov për TV21