Shefi i CIA-s në Qeveri, takohet me kryeministrin Kurti

Shefi i CIA-s, William Burns ndodhet në objektin e Qeverisë së Kosovës për takim me kryeministrin e vendit, Albin Kurti, shkruan gazeta online Reporteri.net.

Ky takim nuk ishte paralajmëruar paraprakisht nga Zyra e Kryeministrit.

Burns zbarkoi në Prishtinë mesditën e së enjtes, për t’u takuar me presidenten e vendit, Vjosa Osmani.

As takimi mes tyre nuk ishte paralajmëruar nga zyra e Osmanit.

Rreth takimeve të së enjtes nuk është deklaruar askush nga palët.

Në Prishtinë, drejtori i CIA-s erdhi pas vizitës në Sarajevë e Beograd.