Bahtiri, karabinierëve italianë: Mos e provokoni situatën

Ish-kryetari i Mitrovicës, Agim Bahtiri ka thënë se karabinierët italianë duhet të kuptojnë se paqja nuk vjen nga provokimi, por nga mirëkuptimi.

Ai përmes një postimi në Facebook, u ka bërë thirrje  atyre që të mos e provokojnë situatën, përcjell Klankosova.tv.

“Mbi Urën e lumit “Ibër”, karabinierët italianë duhet të kuptojnë se paqja nuk vjen nga provokimi, por nga mirëkuptimi”.

“I lus karabinierët italianë që të mos provokojnë situaten. Në vend që të bëhen pengesë, le të bëhen urë që bashkon, duke ndihmuar në krijimin e një të ardhmeje të përbashkët. Qytetarët e Jugut dhe Veriut të Mitrovicës dëshirojnë të jetojnë në harmoni, pa kufij të padukshëm”, ka shkruar Bahtiri.