Bleona shfaqet duke pozuar krah modelit të famshëm

Bleona Qereti prej kohësh nuk ka publikuar ndonjë projekt të ri muzikor. E mesa duket ajo ka diçka të re në këtë drejtim.

Prej javësh këngëtarja ka qëndruar në Shqipëri, duke shijuar detin me prindërit e saj.

Dhe këto kohë Bleona i ka shfrytëzuar edhe për të realizuar një video projekt muzikor.

Një model polak, i quajtur Kamil Nizinski me siguri do të shfaqet në skenat e klipit të ri të këngëtares shqiptare.

Megjithatë ende nuk dihen detaje të tjera dhe nuk dihet nëse kënga do jetë e destinuar për tregun shqiptar apo atë ndërkombëtar! E deri atëhere nuk na mbetet gjë tjetër, veçse të presim.