Dy ditët e ardhshme mot i ndryshueshëm me vranësira, gjatë fundjavës mot me diell me rritje të temperaturës

Gjatë dy ditëve të ardhshme moti do të jetë i ndryshueshëm me vranësira me reshje të shiut, të cilat në disa vende do të jenë më të rrëmbyeshme dhe më të dendura, të shoqëruara me paraqitje të bubullimave, njoftoi Drejtoria e Punëve Hidrometeorologjike.

Në ditët e fundjavës moti do të jetë me diell me vranësira të vogla deri mesatare dhe me kushte për shi të lehtë lokal në rajonet malore. Temperatura e ditës do të rritet gradualisht.