Të lënduarit në aksidentin e djeshëm, në gjendje të rëndë

Gjendja e pesë personave të lënduar nga aksidenti i një ditë me parë në autostradën Shkup-Veles vazhdon të mbetet kritike dhe të njëjtit po kurohen në Spitalin e Qytetit në Shkup dhe Klinikën Universitare.

Prokuroria Publike është duke hetuar shkaqet e aksidentit, por dyshimet e para janë humbja e kontrollit në drejtimin e furgonit si pasojë e shpejtësisë.

Në seancën e sotme të 55-të, Këshilli i Komunës së Velesit solli vendim që 18 tetori të shpallet ditë zie për shkak të tre viktimave që u regjistruan nga ky aksident.