Princi i Arabisë Saudite dënon sulmet izraelite në Gaza: Po bëjnë gjenocid

Princi i kurorës në Arabinë Saudite, Mohammed bin Salman, ka dënuar veprimet e Izraelit në Gaza si “gjenocid” në disa nga kritikat më të ashpra publike ndaj vendit nga një zyrtar saudit që nga fillimi i luftës.

Ndërkohë që fliste në një samit të liderëve myslimanë dhe arabë, princi kritikoi gjithashtu sulmet izraelite ndaj Libanit dhe Iranit.

Në shenjë të përmirësimit të lidhjeve midis rivalëve Riad dhe Teheran, Princi Mohammed paralajmëroi gjithashtu Izraelin kundër nisjes së sulmeve në tokën iraniane.

Izraeli ka mohuar me forcë se forcat e tij po kryejnë gjenocid kundër palestinezëve në Gaza.

Udhëheqësit “de facto” të Arabisë Saudite iu bashkuan udhëheqës të tjerë të pranishëm në thirrjen për një tërheqje totale të Izraelit nga Bregu Perëndimor dhe Gaza.

Ndërkohë, ministri i jashtëm i Arabisë Saudite tha se ishte një “dështim i komunitetit ndërkombëtar” që lufta në Gaza nuk ishte ndalur, duke akuzuar Izraelin për shkaktimin e urisë në territor.

Princi Faisal Bin Farhan Al-Saud tha: “Aty ku komuniteti ndërkombëtar kryesisht ka dështuar është përfundimi i konfliktit të menjëhershëm dhe fundi i agresionit të Izraelit”.

Lufta në Gaza nisi më 7 tetor 2023, ku qindra persona të armatosur të organizatës Hamas hynë në Izraelin jugor. Rreth 1200 njerëz u vranë dhe 251 të tjerë u morën peng.

Pas kësaj Izraeli nisi një fushatë hakmarrëse ushtarake për të shkatërruar Hamasin, gjatë së cilës më shumë se 43,400 njerëz janë vrarë në Gaza, ku sipas Zyrës së OKB-së për të Drejtat e Njeriut rreth 70% e viktimave të verifikuara gjatë një periudhe gjashtëmujore në Gaza ishin gra dhe fëmijë.