Ambasadori i Iranit në OKB takohet me Elon Musk në Nju Jork

Irani arriti me sukses të realizonte një takim me Elon Musk, sipas një zyrtari amerikan, një nga një seri hapash që dukej se synonin lehtësimin e tensioneve me Presidentin e zgjedhur Donald Trump. Irani megjithatë e ka mohuar raportin.

Ambasadori i Iranit në OKB, Amir Saeid Iravani u takua me Musk – një aleat i Trump i emëruar këtë javë për të këshilluar administratën e tij mbi mënyrat për të shkurtuar qeverinë federale – të hënën në Nju Jork, sipas një zyrtari amerikan të informuar për takimin nga një koleg i huaj.

Zyrtari tha se ishte informuar se diskutimi mbulonte një sërë temash, veçanërisht programin bërthamor të Iranit, mbështetjen e tij për grupet anti-izraelite në të gjithë Lindjen e Mesme dhe perspektivat për përmirësimin e marrëdhënieve me Shtetet e Bashkuara.