Humb jetën tragjikisht një grua në Klinë, vetura e goditi teksa po kalonte rrugën

Një grua në cilësinë e këmbësores ka humbur jetën sot në fshatin Drenoc të Klinës.

Dyshohet se viktima u goditë nga një veturë teksa po e kalonte rrugën.

Rastin e ka konfirmuar zëdhënësi i policisë rajonale të Pejës, Fadil Gashi.

“Viktima është dërguar për trajtim mjekësor në spitalin rajonal, por si pasojë e lëndimeve të rënda nuk ka mundur t’ju bëjë ballë plagëve dhe ka vdekur”, tha Gashi.

Sipas raportimeve të mediave, gruaja që u godit për vdekje nga një veturë është 76-vjeçare.